Egunerokoa (10/05/17)

Gaurko saioan ez naiz egon atzerrian nengoelako.

Egunerokoa (10/05/10)

Gaurko saioan, teknologia berriak nola hezkuntzan txertatu ahal ditugun ikusi dugu. Hezkunta gizartearen eskakizun berriei erantzun behar duenez, eta gizartea teknologia berriekin batera garatzen ari denez, ezinbestekoa da hezkuntzan teknlogia berriak txertatzea.
Hiru esparru nagusitan daude presente adibidez unibertsitatean: administrazioan (GAUR), ikerkuntzan eta irakaskuntzan (gero eta gehiago).
Bestalde, curriculumean ere agertzen dira: konpetentzia digitala.
Dena dela, lehenago esan bezala, teknologia berri hauekin, ikaste-prozesua eta metodologia aldatu behar dira, bestela, nahiz eta aparatuak politak, modernoak, eta oso garestiak izan, hezkuntza ez dute hobetuko.
Beraz, baliagarriak izateko ondo erabili behar ditugu eta gure lana haiei egokitu.

Animals in the farm

1.kontestualizazio didaktikoa
Landuko dugun arloa: Ingelesa lantzeko prestatu dugu lana.
Ikasleen maila: 1. ziklora bideratuta dago gure lana, bigarren mailara hain zuzen ere (7 urteko ikasleak). Animaliak bigarren mailan ikasi ohi dira, ingeleraz hitz egiten dugularik, noski. Horregatik gure Power Pointa maila honetan lantzeko aproposa dela uste dugu. Nahiko Power Point sinple eta argia da, beraz, ikasleek ulertzeko arazorik izango ez dutela uste dugu.
Gaia: Animals in the farm (Baserriko animaliak) lantzeko prestatu dugu Power Pointa.
Landuko ditugu hainbat animalien izenak ingelesez. Behin animaliak gelan landu ditugula, informazioa guztiz barneratzeko proposaturik dago lana.
Egingo dugun materialaren funtzioa, edukiak eta prozedura: Esan dugun bezala, Power Point hau, ingeleseko gelan erabiliko dugu ikasleek zenbait animalien izenak guztiz barneratu ditzaten. Gelan animaliak landu ondoren eta gaiari bukaera emateko, adibidez, erabili daiteke Power Pointa. Ikasleak ebaluatzeko ere erabil daiteke, baina, esan dugun bezala, informazio berria guztiz barneratu dezaten erabiltzeko proposaturik dago lana.
Ebaluazioa: Lan honen bidez ebaluatu ahal dezakegu ea ikasle guztiek informazioa barneratu duten hala ez. Baita ere haien jarrera ariketarekiko ebaluatu dezakegu.
Behaketaren bidez ebaluatuko ditugu ikasleak.
2. diseinua
Informazioaren diseinua: Lanaren diseinua nahiko sinplea da, izan ere, ez dugu nahi ikasleen arreta galtzea. Horregatik, beharrezkoak diren irudi eta hitzak soilik erabili ditugu.
Aukeratu ditugun irudiak ikasleen gustukoak izango direlakoan gaude. Azken batean, ikasleen gustuko den zerbait prestatu nahi izan dugu, modu honetan, haiek motibatuagoak egotea lortuko dugu.
Ahotsaren tonua dela eta, saiatu gara ahots alaia ipintzen, izan ere, esan dugun bezala, haurrak motibatzen duen lana prestatu nahi izan dugu.

Interaktibitatea: Lehenengo eta behin, lanaren portada aurkituko dugu. Bertan saguarekin klik eginez gero ariketaren lehenengo orrialdera ailegatuko gara. Ikasleek bi irudien artean bat aukeratu beharko dute. Irudi zuzena aukeratuz gero, hiperbinkulo bat erabiliz Great diapositibara helduko dira. Gaizki klikatuz gero, ordez, Oh, what a pity diapositibara helduko dira (hiperbinkuloei esker). Aipatu ditugun bi diapositiba hauetan (Great eta oh, waht a pity) hiperbinkuluak ere erabili ditugu ariketak aurrera egin ahal izateko. Halaber, bi diapositiba hauetan gure ahotsaz gain, soinua ere gehitu dugu.
Irudiei animazioak jarri dizkiegu ariketa txukunago gelditzeko. Hala ere, ez ditugu animazio bortitzak erabili, lehenengo diapositiban izan ezik (portada). Honetan bai, guk diseinatu dugu irudiaren norabidea Power Pointaren portadari itsura deigarri bat ipinteko.
Diapositiba batetik bestera pasatzeko saguarekin klik egin beharko dugu, eta ariketaren bukaerara ailegatzean, azken klika eginez gero, portadara itzuliko ginateke.

Power Point (Animaliak)

View more presentations from pacoo.

Egunerokoa (10/05/03)

Gaurko saio teorikoan kurtso osoan zehar landutako zenbait kontzeptu eta ezagutza birpasatu ditugu. Nire ustez, garrantzitsuenak hauek izan dira:
- Gizartea IKTekin aldatzen doala eta eskola gizartearen parte denez aldatu behar da berarekin. Aldaketa hauek hainbat esparrutan eman behar dira: egitura fisikoan, baliabideetan, ezagutzak berreraikitzeko moduetan, ezagutzak konpartitzeko moduan, etab.
- Baloreak eta kultura ere egokitu behar dira IKTen mundura.
- IKTekin eskoletan ikaste-prozesua ezinbesteko garrantzia hartzen du eta emaitzari aldiz, ez zaio haibesteko garrantzia ematen.
- IKTak erabiltzen umeek ikasten dute aldi berean ikasgaiaren edukiak eta ordenagailuaren edo tresnaren erabilera.
- Umeek trebetasun berri bat lortuko dute IKTekin: informazioaren bilaketa, sailkapena, kudeaketa egiten ikasiko dute. Autonomoagoak izango dira eta aktiboagoak. Irakasleak aldiz, hainbeste transmisio lana egiteari utziko dio.
Gero bideo bat ikusi dugu non agertzen zen eskola tradizional bat. Bat batean, IKTak ipintzen dituzte eskolan baina metodologia berdina izaten jarraitzen du. Beraz, ondorio bezala, esan behar da teknologia berriak eskolan izateak ez du ezertarako balio metodologia aldatzen ez badugu.
Saio praktikoan aukeratutako gaiari buruzko aurkezpenak egin ditugu taldeka. Oso interesgarriak izan dira eta gainera aipatu dituzten interneteko orrialde asko apuntatu ditut bahar ditudanean erabiltzeko. Lan hau prestatzeko jarraitu dugun bidea oso aproposa iruditu zait zeren landu dugun teoriarekin bat doa.

Egunerokoa (10/04/26)

Gaurko saio teorikoan konparatu ditugu gaur egungo ikastetxeak eta gure garaiko ikastetxeak IKTen arloan. Nabaritzen da oso teknologia berriak eskoletan gero eta presentzia gehiago daukatela eta gero eta beharrezkoagoak bihurtzen ari direla. Adibidez nire kasuan, Lehen Hezkuntzako ikastetxean egon nintzenean informatika ikasgaia neukan, baina soilik joaten ginen ordenagailu zahar batzuen gelara eta “komekokos” edo marrazteko programa batekin jolasten genuen, hau da, denborapasa bezala hartzen genuen ordu horiek. Gero DBHn hasi ginen ordenagailuen atalak eta informatikaren arloko teoria ikasten eta zenbait aplikazio helburu erabilgarri bat barik erabiltzen. Gaur egun bilatzen duguna aldiz, teknologia berrien erabilera jakiteaz gain, IKTak ikasteko erabili eta bestelako jarrera izatea baliabide hauekiko da.

Saio praktikoan aurkeztu ditugu gure blogak taldeka. Oso interesgarriak izan dira talde guztien aurkezpenak nahiz eta bakoitzaren wikiaren antolaketa nahiko ezberdina izan. Asko ikasi dut lan hau egiten eta nire etorkisunerako oso erabilgarria izango dela pentsatzen dut zeren blogak eskaitzen dituen hainbat posibilitate ikusi ditut. Dudarik gabe, erabiliko dut bat baino gehiagotan nire ikasleekin.

Konpartitzeko kultura

Kultura digitala konpartitzeko kultura da. Prozesu honen bidez lortu ahal dugu mugimendu hau sortzea:

• Informazioa interneten bilatu ikuspuntu kritiko batekin
• Lortzen dugun informazioa interpretatu, berreraiki eta hobetu
• Sortu dugun ezagutza berriro ere internetera igo beste pertsona batzuk ikusi ahal izateko

Garrantzitsua da jakitea guk ere autoreak garela eta idazten duguna baliogarria dela eta bestentzako erabilgarria izan daitekeela.

Teknologia berrien eragina eskolan

Gizartean gertatzen den bezala, eskolan ere kultura digitala sortuz joango da. Ezagutzak internetetik jasoko dute ikasleek, berreraikiko dituzte eta ezagutza horiek hobetu eta modu kritiko batean interpretatu eta gero, berriro ere bueltatuko dituzte internetera.

Memoria ez da hain garrantzitsua izango ikaste prozesuan. Ikasleek hainbat baliabide izango dituzte gauzak apuntatzeko edo ezagutzak modu argi batean antolatuak izateko, beraz aintzinean hainbeste garrantzia zeukan memoria inportantzia galduko du.

Aplikatuko den metodologia ere aldatuko da: irakaslea ez du hainbeste transmisio lana egingo, ikaslea izango da informazioa bilatuko duena eta antolatuko duena, irakaslearen papera, beraz, izango da ikasleari prozesu hori irakastea eta gidatzea.

Bukatzeko, beste ideia bat: ez da hain beste azken produktua baloratuko baizik eta ikaste prozesu osoa.

Netiketa

Netiketa terminoa interneten ibiltzeko proposatzen diren zenbait arau dira. Ez dira legeak eta ez zaizu ezer gertatuko arau hauek ez badituzu betetzen baina komenigarriak dira batez ere beste erabiltzaileak errespetatzeko eta internetaren erabilera errazteko. Orrialde honetan daukazue netiketa batzuk.

Informazioaren gizartea VS Ezagutzaren gizartea

Hemen daukazue informazioaren gizartea eta ezagutzaren gizarteari buruzko testu interesgarri bat, eta hona hemen nire iruzkina:

Jakina denez, teknologia berrien garapena eragin zuzena dauka gizartearen esparru guztietan, ekonomian, hezkuntzan, politikan, harremanetan eta abar. Azken batean kultura ulertzeko era berri bat sortzen ari da, non informazioa berebiziko garrantzia hartzen du.
Informazioaren gizartean, badirudi informazioa izatea boterea ematen duela eta gure gizartearen ekintza gehienak bere inguruan egiten dira. Informazioa nolabait dena kontrolatzen du, informazioa sortzen duten pertsonen bidez, beraz, gizartea informazio horren produktua da.
Ezagutzaren gizartean aldiz, gizartea bera da informazioa sortzeko gai dena eta hori zabaltzeko, beraz informazioa gizartearen produktua bihurtzen da.
Ezagutzaren gizartea izatea eta kultura teknologikoa sortu nahi badugu, ezinbestekoa da hezkuntza. Teknologi berrienganako ikuspuntu kritiko bat izan behar dugu irakasleok eta aldi berean ikuspuntu kritiko hori zabaldu gure ikasleen artean. Ez dugu soilik teknologia berriak eskaintzen dutena onartu behar, baizik eta kritikoak izan behar gara: informazioa aukeratu, eta gure egoerara moldatu behar dugu, hau da, informazioa berreraiki behar dugu ezagutza lortzeko. Gainera, era honetan hasieran informazioa zena beste egoera ezberdinetan erabilgarria izango da.

Remove

Remove bideo honetan gure pribazitatea teknologia berrien bitarez apurtzen dutela eta etengabe kontrolatuak izan ahal garela adierazten digute.
Argi dago ezin dugula mobila, interneta, txartelak, eta abar erabiltzeari utziko, baina oso komenigarria da behintzat errealitate hau ezagutzea.
Bestalde, kontrolatzen gaituzten taldeek gure perfila edo datuak saltzeko aukera daukate eta horrekin dirua lortzen dute, adibidez publizitatea jartzen duten enpresei. Googleek ere, gure "arrastroa" jarraitzen du (beraz bisitatzen ditugun orrialdea badakite) eta horrekin orrialde aproposak proposatzen digu.

Blogen aplikazio didaktikoak

Blogen aplikazio didaktikoei buruzko informazioa hemen daukazue:

Los Blogs ofrecen muchas posibilidades de uso en procesos educativos. Por ejemplo, para estimular a los alumnos en: escribir, intercambiar  ideas, trabajar en equipo, diseñar, visualizar de manera instantánea de lo que producen, etc. La creación de Blogs por parte de estudiantes ofrece a los docentes la posibilidad de exigirles realizar procesos de síntesis, ya que al escribir en Internet deben ser puntuales y precisos, en los temas que tratan.

Los docentes pueden utilizar los Blogs para acercarse a los estudiantes de nuevas maneras, sin tener que limitar su interacción exclusivamente al aula. Por ejemplo, publicando materiales de manera inmediata y permitiendo el acceso a información o a recursos necesarios para realizar proyectos y actividades de aula, optimizando así el tiempo. También, ofrece a los estudiantes la posibilidad de mejorar los contenidos académicos, enriqueciéndolos con elementos multimediales como: videos, sonidos, imágenes, animaciones u otros Web 2.0. 
La facilidad con que se crean y alimentan los Blog los hace muy llamativos porque gracias a los asistentes y las plantillas (diseños) prediseñadas, no hay que concentrarse en la implementación técnica sino en los contenidos y materiales a publicar. Esto permite que cualquier docente o alumno, sin importar el área académica, pueda crear recursos y contenidos de temas educativos sin necesidad de instalar aplicaciones o de tener conocimientos de programación. 

Prometeus - Bideoaren iruzkina

Zein da bideoaren gaia?
Bideoaren gai nagusia zera da: teknologia berriek iraganean izandako eta orain eta etorkizunean izango dituzten garapen pauso nagusien azterketa zehatza.

Bideoa ikusi eta gero zer pentsa dezakegu?
Bideo hau ikusi eta gero gogoeta hauek egin ditzakegu:
Teknologia berrien etorkizuna pentsatzen duguna baino askoz hurbilago dagoela, hau da, gaur egun zientzia-fikzio bezala ikusten duguna eta orain dela urte batzuk ezinezkoa zela iruditzen zuena, urte gutxien barru errealitatea izango dela. Beraz, argi dago teknologia berrien garapen prozesua oso azkarra eta etengabekoa dela.

Suposatzen da bideoa teknologia berrietan adituriko pertsonek egin dutela, zeren dirudienez, gizartearen portzentaje handi batek, nahiz eta bere eguneroko bizitzan teknologia berrien aplikazio eta abantailaz baliatzen diren, teknologia berrien azken garapen pausotaz edo etorkizun hurbilean TT.BB.-etan egongo diren berritasunak asmatzeko edo susmatzeko ez dira kapazak. Beraz, esan dezakegu, nahiko ezezaguna dela gai hau gehienontzako.

Irudikatzen duen etorkizunaren aurrean zein da zure iritzia?
Nire ikuspuntutik, nahiko irreala da: beharbada aipatzen dituen aldaketak egon, egongo dira, baina beranduago eta modu “motelago” batean, hau da, bideoan agertzen den moduan, badirudi bat-batean, 2015 urtean telebistak, egunkariak eta irratiak guztiz desagertuko direla eta mundu guztia izango duela ahalmena internet erabiltzeko eta teknologia berrien mundutik ibiltzeko. Beharbada ausartegia naiz hau esatean, baina ziur nago hori ez dela gertatuko.

Arreta deitu didan beste iragarpena “memoria, sentimenduak eta esperientziak konpartitzea posible izango dela” da. Baliteke memorian daukazun zenbait gertakizun, anekdota, ideia eta abar besteei kontatzea, baina esperientzia eta sentimenduak norbanakoena dira, nire ustez ezin dira konpartitu. Pertsona baten esperientzia eta sentimendu guztiak bere pertsonalitatearen eragile eta atal inportante bat dira, nahiz eta TTBBak asko garatu hori horrela izango da, besteek ezin izango dute zureak diren sentimenduak sentitu, eta gutxiago teknologia berrien bidez…

Bukatzeko, “las personas se convierten en lo que desean” entzun dut. Barregarria iruditzen zait holakoak entzutea. Pertsonak nahi dutena izango dira momentu konkretu batzuetan beharbada, baina gero “errealitatezko errealitatera” bueltatu beharko dira. Gainera, esaldi hau entzutean galdera bat egin diot nire buruari: Eta ordenagailurik edo nahi duten zeran bihurtzeko ahalmena ematen dieten tramankuluak ez duten pertsonek zer? Bururatu zait gizartea bi taldeetan banatuta. Gizartearen heterogeneotasuna handituko da.

Eskolak zerbait egin dezake?
Bai, noski. Askok diotenez, etorkizun hurbil batean (edo beharbada gaur egun ere), teknologia berriak erabiltzeko kapazak ez diren pertsonak analfabetoak kontsideratuak izango dira. Beraz, txikitatik ikasi beharko dute haien “funtzionamendua”. Gainera, ez dute soilik ikasi beharko nola funtzionatzen duten, hezkuntzan ikaste-prozesurako tresna bezala gero eta gehiago erabiliko delako.
Bestalde, ona izango litzateke gurasoentzako Teknologia Berriei buruzko zenbait kurtso edo aktibitate prestatzea, gaur egun askok ez daukatelako TTBBak erabiltzeko ahalmena. Hau positiboa izango litzateke bi aspektu nagusitarako: alde batetik aipaturiko “analfabetismo” horietatik ateratzen saiatzeko eta beste alde batetik, haien seme-alabak lagundu ahal izateko.

Eta guk, zer egin dezakegu?
Ba gu, eskola komunitatearen partaide izango garelakoan, ahalik eta gehien prestatu behar gara materia honetan, gero gure ezagutzak erabili ahal izateko ikastetxeetan.
Gure eskola garaian, gehienok ez genuen teknologia berrien presentzia handirik sumatu, beraz, adimena nolabait ireki behar dugu eta teknologia, informazio eta komunikazioaren esparru honetara egokitzeko.
Esan dugunez, teknologia berrien garapena etengabe eta oso azkar garatzen ari da, beraz, guk ere etengabeko formazioa edo prestakuntza izaten jarraitu beharko dugu “zaharkituak” ez geratzeko.

Informazioaren gizartea

Badirudi oraindik ez dela "informazioaren gizartearen" definizio finko bat existitzen mundu osorako baina hona hemen informazioaren gizartearen zenbait definizio:

Cuando la materia prima es la información, en lugar de la tierra, el capital o el trabajo.

“Sociedad de la información es un estadio de desarrollo social caracterizado por la capacidad de sus miembros (ciudadanos, empresas y administración pública) para obtener y compartir cualquier información, instantáneamente, desde cualquier lugar y en la forma que se prefiera.” (Castells, 1998)

(Yoneji Masuda, 1984) en la Sociedad de la Información como sociedad post-industrial
“Sociedad que crece y se desarrolla alrededor de la información y aporta un florecimiento general de la creatividad intelectual humana, en lugar de un aumento del consumo material”.

Libro Verde sobre la Sociedad de la Información en Portugal (1997)
Una forma de desarrollo económico y social en el que la adquisición, almacenamiento, procesamiento, evaluación, transmisión, distribución y diseminación de la información con vistas a la creación de conocimiento y a la satisfacción de las necesidades de las personas y de las organizaciones, juega un papel central en la actividad económica, en la creación de riqueza y en la definición de la calidad de vida y las prácticas culturales de los ciudadanos”.

(Castells, 1998) en La era de la Información
“Nuevo sistema tecnológico, económico y social. Una economía en la que el incremento de productividad no depende del incremento cuantitativo de los factores de producción (capital, trabajo, recursos naturales), sino de la aplicación de conocimientos e información a la gestión, producción y distribución, tanto en los procesos como en los productos”.

(Gobierno del País Vasco, 2000)
Plan para el desarrollo de la Sociedad de la Información “Se entiende por Sociedad de la Información aquella comunidad que utiliza extensivamente y de forma optimizada las oportunidades que ofrecen las tecnologías de la información y las comunicaciones como medio para el desarrollo personal y profesional de sus ciudadanos miembros”.

Webgune honetan terminoari buruzko informazio ugari eta interesgarria aurkitu dut.

Kontzeptua ondo azaltzen duen bideo hau ere topatu dut:

Letren tamaina iturria eta kolorea aldatuko ditut.

Tim O´Reilly

Tim O´Reilly 1954n jaio zen Corken, Irlandan. O´Reilly Media deituriko editorialaren fundatzailea izan zen eta gaur egin editorialaren presidentea da. Software askearen bultzatzailea da eta Web 2.0 kontzeptuaren egileetariko bat. Perl deituriko “hizkuntzaren” garapenean ere parte hartu du.
O´Reilly literaturan izan zuen interesa eta lizentziatua bihurtu zen Harvardeko Unibertsitatean 1975ean. Geroago, informatikaren arloarekiko jakin-mina sentitu zuen eta arlo horri buruzko zenbait liburu argitaratu ditu bere argitaletxe pertsonalean.

Aurkitu dut interesgarria iruditu zaidan bideo mots bat, O´Reillyek azaltzen du nola etorkizuna jadanik hemen dago baina soilik bakar batzuk etorkizun hori ikusteko gai direla, haiek, noski, horietako batzuk izanik.

Bideo honetaz gain, webgune hau topatu dut eta, nahiz eta pixka bat luzea izan, interesgarria delakoan hemen uzten dizuet. "Tendencias de Web 2.0 aplicadas a la educación en línea" du izena orriade honetako textua eta azaltzen du alde batetik zer den Web 2.0 eta beste alde batetik nola erabili ditzakegun 2.0ren baliabideak hezkuntzan irakasleon eta ikasleen ikaste prozesua hobetzeko.

Azkenik, Web 2.0ri buruzko mapa kontzeptual bat ipiniko dut, O´Reilly Median egin zen konferentzia batean sortu zuten:

Web 3.0

Web 3.0 kontzeptu berria da. Web semantikoa askok diotenez. Azken batean Web erabileraren eta bilakaeran aurrerapausu bat da. Bideo honetan ondo azaltzen da zer den:

Gai honi buruzko artikulu interesgarri bat topatu dugu, irakurtzeko hemen dago.

Web 2.0

Web 2.0 web-ean oinarritutako zerbitzuen bigarren belaunaldi bat deskribatzen duen terminoa da. Interneten bidezko lankidetzari, elkarreraginari eta erabiltzaileen arteko edukien trukaketari garrantzi handia ematen dio.
Web 2.0 Web 1.0ren garapenari esker sortu zen. Web 1.0 denok ezagutzen dugun web tradizionala da. Honetan, informazioa “siteetan” sortzen zen editore eta webmasterren esku eta informazio hori “site” horren erabiltzailek jasotzen zuten. Web 2.0an aldiz, informazioa erabiltzaileek sortzen dute era zuzenean edo zeharkakoan eta era ezberdinean “siteen” artean elkarbanatua izaten da.
Interneten bidez lan egiten duten enpresen helburuak ere aldatzen ari dira, pertsonak lotzea edo informazioaren trukaketa ahalbidetzea bilatzen dute, beraz, erabiltzaileek gero eta garrantzi gehiago hartzen dute, haien ideiak, iritziak, bideoak, abestiak etab. adieraziz mundu osorako.
Guzti honek zenbait ondorio ditu:
· Komunikabideetan: Orain edonork eman dezake informazioa, ez soilik komunikabide tradizionalen zuzendariek, beraz, demokratizatzen da informazioa.
· Publizitatean: Publizitatea gizartearen artean zabaltzea zailagoa da hainbeste mikromedio egoteagatik. Adibidez, orain dela urte batzuk iragarki bat telebistan jartzean jende askok ikusten zuten, baina gaur egun, jendea mikromedio ezberdinetan sakabanatuak daudenez, zailagoa da guztietara heltzea. Beste alde batetik, publizitatea dagokion tokian kokatzea errazago bihurtzen da, esaterako, txakurrei buruzko blog batean txakurren janariari buruzko iragarki bat kokatzea. Amaitzeko, erabiltzaileek produktu bati buruz iritzi onak/txarrak eman dezakete, produktu baten publizitate ona/txarra eginez.
· Informazio zehatzagoa: Mikromedioetan gai konkretu baten inguruan informazio oso zehatza ematea posible da. Komunikabide tradizionaletan aldiz, ezinezkoa da.
· Interneten erabilera masiboa eta erabiltzaileen boterearen handitzea. Kalitatea eskatu ahal dute eta informazioa eskaini edo jaso era erraz batean.
Nire ikuspuntutik, Web 2.0 abantaila handiak eskaintzen digu Interneteko erabiltzaileei.
Lehenik eta behin, ikaragarria iruditzen zait nola tokian-tokiko informazioa ziztu bizian munduko edonon dagoen pertsona baten begietara heldu ahal izatea; globalizazioaren ikur argia.
Beste erabiltzaileen informazioa jaso ahal izatea eta gurea ikustarazi ahal izatea garrantzi handikoa da zeren modu honetan telebistak, irratiak eta azken batean komunikabide tradizionalek ikustarazi nahi digutenaren aparte, beste iritzi eta ideia batzuetara heldu ahal gara. Eragozpenak ere baditu, informazioa askotan egiazkoa edo zehatza ez delako, beraz Interneten ikusten dugun informazioaren etengabeko sailkapena egin behar dugu.
Sare sozialei dagokienez, alde batetik onak direla uste dut adiskideekin kontaktuan egoteko eta aisialdirako, baina beste alde batetik arriskutsuak direla ere uste dut askotan informazio pertsonala jende askoren eskutan dagoelako.
Azkenik, hezkuntzari dagokionez, Web 2.0 izatea abantaila asko eskaintzen digu beste irakasleen informazioa, aktibitateak etab. konpartitu dezakegulako adibidez, baina lehen esan dudan bezala, informazioa beti sailkatu behar dugu.